चोरिला कुणी सूर्य

दिन आलेत थंडीचे

दाट धुके दाटलेले

आदित्याचा नाही पत्ता 

 नभ मेघांनी झाकोळले  1

 रवी मेघात दडला

  शलाका काढती वाट

  सूर्य चोरीला कोणी

  जरी सरली पहाट     2

  धुक्याची शाल तलम 

  धरेने पांघरली लाजत

  रवी दूर करी किरणांनी

  आली सकाळ हासत    3  

   

  दवात न्हाली सकाळ

  थंड गार वाहे वारा

  जाणवे गुलाबी थंडी

  अंगी उठतो शहारा     4

   ऋतु थंडीचा लोभस

   फुले फुलली रंगीत

   तृणपाती वर दवबिंदु

   ऐका पक्षांचे संगीत     5

    दिन थंडीचे येताची

    दूर करण्यास थंडी

    लावा अंगणी शेकोटी

    घालू या गरम बंडी      6