बंधन
बंधन
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
48
हे बंधन नसे नाजूक
ज्यास पुरे हा नाजूक धागा
या गर्भरेशमी नात्याला
मिळे कुठेही जागा
या धाग्यांमध्ये गुुंफूणीया
प्रेम वात्सल्य अन् माया
मिळो अखेरापर्यंत
तुझ्या सहवासाची छाया
बघ ओवलेत या धाग्यांमध्ये
क्षण आपले हे आठवणींचे
तू ठेव तुझ्या स्मरणात
क्षण आपले हे साठवणीचे
बहिण भावाचे हे निखळ नाते
दूर राहूनही जपले जाते
सहवास लाभला थोडका जरी
नाते अविरत फुलले जाते