बिरड्याची उसळ
बिरड्याची उसळ
महाराष्ट्राची प्रसिध्द आहे, चमचमीत मिसळ
पण मला आवडते खूप, बिरड्याची उसळ//१//
मसूर, मटकी, मटार, मूग, नाना असती मिसळी
पण बिरड्याची उसळ भारी, आहे वेगवेगळी //२//
आठवांच्या कप्प्यात एक , जपली गेलीय उसळ
कारण एकदा बिरडे काही केल्या शिजेना सरळ //३//
येणार होते खास पाहूणे , खाण्यास उसळ
उसळीने केला रसभंग , दाणे दगडासम कडक //४//
चावून चावून बिरडं, जिभेवर आले फोड
अन अंगावर रोंगटे, काहीच लागेना गोड //५//
शेवटी डाळींब्या काढून, मसाल्यात घातल्या शेंगा
अन शेवग्यानं दाखवला, बिरड्याला ठेंगा //६//
अशी झाली फजिती, अन बिरडं राहिलं आठवणीत
आवडता पदार्थ मग गेला हो नावडतीत //७//