बालपणीचा खेळ

फुटलेल्या बांगडीचा काच 

ठेविला डब्यात लपुन 

काच कंगडीचा डाव 

मैत्रिणीसोबत मांडला जपुन 

फेकलेल्या चिंचुक्याला 

होती किंमत किती 

बांगड्याला सरके काच 

चिंचोक्याच्या चंफलाची गती

खेळाच्या घराच्या रेघाट्या 

मिळे कोळशाला मान 

घर घर काच सरकता 

हात रंगती नसे भान 

किती आनंदाचा खेळ 

जोड्या घेती वाटुन 

चार ठिकाणी बसती 

आपले हक्क थाटुन 

असा खेळ खेळे सर्व 

नाही याला वयाचे बंधन 

स्मरणशक्ती वाढवी खेळ 

या खेळाला करिते वंदन