अभिमान मराठीचा

व्हाॅटस्ॲपवरती आज

असंख्य मेसेज साचले,

कित्येक मेसेजमधून मी

मराठीचे गुणगान वाचले

मराठीचे गुणगान गाताना

थोडातरी विचार प्रत्येकाने करावा,

स्वतःबरोबरच भावी पिढीलाही

मराठीची गोडी लावण्याचा ध्यास धरावा

इंग्रजी माध्यमांमध्ये

पुढची पिढी शिकतेय,

मराठी बोलताना सहजतेने

त्यांची जीभ कुठं वळतेय?

आंतरराष्ट्रीय स्तरावर आता

इंग्रजीला नाही उरला पर्याय,

म्हणूनच म्हणतो फक्त एकाच दिवशी

मराठीचा अभिमान बाळगणे पुरेसे होईल काय?

काळाची गरज म्हणून मुलांना

इंग्रजीमध्ये जरूर शिकवावे,

पण नित्यनेमाने दररोज त्यांना

मराठी साहित्य जरूर पुरवावे

सुंदरतेने नटली आहे

आपली मराठी भाषा,

भावी पिढीच्या मनी रूजेल

हीच बाळगू आशा...!!!