आता आराम करायचा थोडा

दिवसभराच्या धावपळीतून

वेळ मिळालाय थोडा

म्हणून थकवा काढण्यासाठी

आराम करायचाय थोडा

पिझ्झा बर्गरनं भरलंय पोट

आता गरज नाही भाकरीची

मद्यानंच भागवली तहान त्यांची

गरज कुठे आता पाण्याची

वेफर्स, चाॅकलेटने पोट भरतेय

बाॅर्न वीटाने पण शक्ती वाढतेय

मग कशाला हव्यात पालेभाज्या

जे हवं ते बाजारात मिळतंय

शेतक-याचं श्रम खरंच

या विदेशी कंपन्यांनी जाणलंय

स्वतःच अस्तित्व कायम करून

आरोग्याशी सौदा केलाय