आल्या पावसाच्या धारा
आल्या पावसाच्या धारा
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
12K
अष्टाक्षरी
तप्त ऊन डोक्यावरी
रणरण सारीकडे
सारे उजाड उदास
अंगी घामाचेच सडे।।
नाही कुठंही सावली
ओकेबोके रस्ते झाले
पडे तोंडाला कोरड
आणि जीवाची काहिली।।
आस गारव्याची आणि
देवा पाहसी परीक्षा
जीव लागला कोंडाया
नको देऊ अशी शिक्षा।।
अचानक अवचित
आला झुळकत वारा
गंध भिजल्या मातीचा
आल्या पावसाच्या धारा।।