आज आठवले पुन्हा बालपण...

आज पुन्हा बालपण आठवले

त्या एका जुन्या वहीमुळे 

थोडे हसूदेखील आले 

ती जुनी वही उघडल्यावर इकडून तिकडे

वाकडे तिकडे नाचणारे माझे

अक्षर पाहुन हसूदेखील खूप आले...

एका वहीमुळे पुन्हा 

मला बालपणात नेले तेव्हा वाटलेल्या 

चॉकलेटचे कागद अजूनही

तसेच राहिलेत

एकदा तिने दिलेला तो

चॉकलेटचा कागद सापडला अन्

पुन्हा बालपणात हरवून नेलं मला...

बालपण खरंच खूप छान होतं

पाऊस पडू लागला की त्या एका 

डबक्यात आम्ही मित्र एकमेकांचे 

हात धरून त्यातून बाहेर पडून घरी जायचो...

26 जानेवारी आली की खुपच 

गोळ्या जमा करायचो 

भारत माता की जय म्हणून घोषणा देखील

खुपच जोरात द्यायचो...

वहीची पाने खूप आहेत हो 

आठवणी सांगणारे पण लिहायला

वेळ अपुरा पडेल हो

एक आठवण नक्कीच सांगेन,

ज्यांच्या सोबत मी होतो त्यांना 

अजूनही विसरलेलो नाही 

तुला बघतो म्हणनारा मित्र अजूनही मी

हृदयात जपून ठेवलेला आहे...