વાદળો

આભની અટારીએ

વાદળોની દોડપકડ

કાળા ધોળા કાબરચિતરા

પોચા રૂના જેવાં

કોઈક તો એટલાં સફેદ કે 

જાણે બરફની ચાદર

તો એમાં કેટલાક

કાળાં ડિબાંગ

આભના આંગણે

રમત રમતાં...

વાયુદેવના આજ્ઞાકિત

ઈન્દ્રના દૂતો...

વીજળીને સાથ લઈ...

નીકળી પડયા..

ધરાને ભીંજવવા

ધરા ચાતકદ્રષ્ટિએ

જોઈ રહી'તી વર્ષાની રાહ

વર્ષા તો વાદળોની સખી

વાદળો પણ જળ ભરી

વર્ષાને વરસાવવા તૈયાર

વાદળ વર્ષા ને વીજળી..

વાદળોનાં ગડગડાટ 

વીજળીની ચમક દમક 

સાથે મેઘરાજાનું આગમન

હા ! આવી પહોંચી 

ઋતુઓની રાણી...

વાદળોની કરી સવારી

આવી આવી...

ધરાને પ્રકૃતિને તરબોળ કરવા.