...... તોય પસ્તાવો ક્યાં છે?

ખુદને ઈશ્વર સમજી મોટો થઈ ગયો

જાત ઈશ્વરે બતાવી ને ખોટો ઠરી ગયો.

.....................તોય પસ્તાવો ક્યાં છે ?

વૃધ્ધાશ્રમની ઓરડીમાં બાપ મરી ગયો

ઘરની દીવાલમાં એકલો ફોટો રહી ગયો.

.....................તોય પસ્તાવો ક્યાં છે ?

મર્યા પછી બાપનાં નામનું પરબ બંધાવતો,

જીવતે જીવ પાણીયારાનો લોટો તરસી ગયો.

.....................તોય પસ્તાવો ક્યાં છે ?

માણસ ભણી ગણી ને સરવૈયું મેળવતો,

નફામાં ધન ને સંબંધોમાં તોટો પડી ગયો.

................ તોય પસ્તાવો ક્યાં છે ?

પૈસા જ બધું છે તેવા ડંફાસ હાંકતો,

શ્વાસ ન મળતાં અહમનો પરપોટો ફૂટી ગયો. 

.....................તોય પસ્તાવો ક્યાં છે ?