તમારી આંખમાં વસ્યા કરું

હું તમારી આંખમાં વસ્યા કરું

હું તમારા દેહમાં જીવ્યા કરું

રોજ થાતો મેળ બંને પુષ્પનો

હું બની સુગંધને જીવ્યા કરું

રાગ મલ્હારે તમે છો વાગતા,

હું તમારા રાગને ગાયા કરું.

આ પથકમાં ફૂલ જેવા છો તમે,

રોજ હું એ ફૂલથી રમ્યા કરું.

આંખ કાજળ લાગતા રાધા તણા,

હું બની એ વાંસળી વાગ્યા કરું.

છો સરોવરમાં રહેલા જળકમળ,

હું બની ભમરો તરસ રાખ્યા કરું.

અંગ કેરા જીવના છો શ્વાસમાં,

શ્વાસના એ "અર્થ" ને પામ્યા કરું.