તારી યાદનું ગીત

યાદ તારી ટહુકે જ્યાં મોરલાની જેમ,

ત્યાં સ્પર્શ થઈ જાય એક પીછું,

ફૂલોની જેમ તારા સપનાના હારને,

સાચવીને શ્વાસમાં રાખું,

આંખમાં સમાય નહિ એવાં,

આ ઈચ્છાના આભલાને ક્યાં બોલ નાખું ? 

વાત મારી મોગરા જેવી,

એ કહેવું સરળ ને સીધું,

ઝંખું તને છું તને,

તને સ્મરણોમાં રોજ રે સજાવું,

તારા વિનાની આ સુની સાંજને,

રોજ રે કેમ હું વિતાવું ?

તારા વિનાના લીલા ઉજાગરાનું,

રોજ રોજ વિષ અમે પીધું.