શાને ભૂલાય

મેઘાએ સર્જેલ શ્રાવણી આફત શાને ભૂલાય,

બનાસકાન્ઠા બેહાલ થયું એ દિવસ શાને ભૂલાય,

બનાસ તને ધારી હતી તારણહારી,

તું બની ગઈ હતી મારણહારી,

આખાય ધાનેરાને ધમરોળ્યુ એ શાને ભૂલાય,

લાખણીને રગતોળ્યુ એ શાને ભૂલાય,

જ્યારે ખારીયામા ખાબક્યા તારા નીર,

એ પરિવારને ઊજાડતા દયા પણ ન આવી લગીર,

એ લોકોનું માર્મિક પોકારણ શાને ભૂલાય,

એ આગમા ભડકે બળતી લાશો શાને ભૂલાય,

તે તાણ્યા અસંખ્ય અબોલ જીવો,

જેમનો જીવ પણ ન હતો નજીવો,

એ નિ:સહાયને સહારો આપનારને શાને ભૂલાય,

એ જવાનોએ કરેલ સેવાને શાને ભૂલાય.