કોલેજના દિવસો
કોલેજના દિવસો
1 min
295
મારે ફરી એ કોલેજના દિવસોને માણવા છે
કેટલીય જવાબદારીઓથી મુક્ત થઈ,
છેલ્લી પાટલી પર બેસી વાતોનાં ગપાટા મારવા છે,
લેક્ચરો બંક મારીને લારી પર ચા ની ચુસ્કી લગાવવી છે,
મારે ફરી એ કોલેજના દિવસોને માણવા છે
આ કોકટેલ જેવા સમાજથી દૂર થઈ,
મિત્રો સાથે નિર્દોષ ગાળા-ગાળી કરવી છે,
પછી એમનાં જ ચિત્રોમાં રંગ બની રંગાવુ છે,
મારે ફરી એ કોલેજના દિવસોને માણવા છે
દર્દ ભરેલી આ દુનિયાથી અલગ થઈ,
એ પાટલી પર તારું નામ કોતરી તને પોતાની બનાવી છે,
મારે ફરી તારા પ્રેમમાં પડવું છે,
મારે ફરી એ કોલેજના દિવસોને માણવા છે.