રવિવાર

ક્યારની હું રાહ જોતી તારા વારની

ને તું આવી પહોંચ્યો પળવારમાં,

ક્યાં વહી ગયું મારું અઠવાડિયું

પહોંચી ન શકી ત્યાં પળવારમાં,

છ દિવસનો થાક ઉતારવાને

સખી સંગાથ ફરવાને બાગમાં,

બાળકને ભણતરમાંથી મુક્ત કરવાને 

તેને લઈ જાઉં સિનેમા ઘરમાં,

પિયુના બધા શોખ પૂરા કરવાને

તેની સાથે હોંશથી જાઉં હોટલમાં,

દાદા-દાદીને ખુશ કરવાને

લઈ જાઉં સવારે શિવ મંદિરમાં,

મારા બધા શોખ પૂરા કરવાને

બોલાવે ઉરુ હર રવિવારને.