ક્યાં જાઉં..?

ભીતરથી ભાંગેલો અંદરથી

દાઝેલો ક્યાં જાઉં ?

ઓરડો છે સાક્ષી ભીંતે ફોટામાં 

મઢેલો ક્યાં જાઉં ?

થાય મારી ગેરહાજરીમાં 

ઘરના અધૂરાં કામ બધાં,

નીરખું નજરે મારી દૂર દુનિયાથી

છૂટેલો ક્યાં જાઉં ?

વલખાં મારુ મારાં પોતીકા પર 

હૈયેથી હેત વરસાવવાને કાજ,

જોઈ અંતર સળગે બરફ માફક

થિજેલો ક્યાં જાઉં ?

લાગી લગન મને મારા ગૂંથેલ માળામાં 

જઈ કલશોર કરવાની,

કપાઈ પાંખો મારી તરફડતો 

મરેલો ક્યાં જાઉં ?

અવાવરું થયો મારાં વિનાનો મારો 

મનગમતો ઓરડો,

મારાં પોતીકા દ્વારા સ્મશાને 

સળગાવેલો ક્યાં જાઉં ?