કાન્હા! ઓ કાન્હા!
કાન્હા! ઓ કાન્હા!
ભક્તિ કરતાં ભક્ત તારા ભૂલે કામ સારા;
દેવકીનંદન તમે તો સુદામા ના પ્યારા.
કૃષ્ણ કનૈયા તમે તો દ્વારિકાનાથ વાળા;
કેશવ, કાનજી, કાનુડા તમે તો નામ વાળા.
નંદજી ના પ્યારા, તમે તો યશોદાજીના દુલારા;
માધવ, મુકુંદ, દામોદર, યોગેશ્વર નામ તુમ્હારા.
મુજ ભાલ પર માધવ તિલક સુશોભિત કરનારા !
મુજ ચક્ષુ માં નટવર સ્વરૂપ ધારણ કરનારા !
મુજ હૈયામાં મુરલીધર સ્વરૂપે બિરાજનારા !
મુજ કર થકી કર્મ, ભક્તિ,યોગ કરાવનારા !
મુજ હૈયું કહે, દોસ્ત તુજ ને કોણ ગમે છે ?
મુજ અધર બોલે, ગિરિધર ગોપાલ ઉરમાં રમે છે !