કાંચળી જેવું હશે

વૃક્ષ પણ તૂટી ગયેલી ડાળખી જેવું હશે.

છાંયડે બેઠાં હશો તો પાલખી જેવું હશે.

એટલે તો પર્ણ સુક્કાયા અને ભીનાં થયાં

મન તમારું એ સમયમાં વાદળી જેવું હશે.

એ જ ડાળી પાંદડા પર વસ્ત્ર રાધાના હતાં,

એટલામાં ક્યાંક વહેતી વાંસળી જેવું હશે.

ફૂલ પણ સાથે હતું ને ગંધ પણ ભેળી હતી ,

ખાસ કંઈ હોવું પછીથી કાંચળી જેવું હશે.

જીરવી લીધો પછીથી ચિતના એ રંગને ,

ચિત્ર એનું ચિંતવો તો કામળી જેવું હશે.