જ્યારે જ્યારે

જયારે જયારે હિમાલય પીગળતું હશે,

દર્દ તેના દિલમાંથી નીકળતું હશે,

ગોદમાં પોતાની જોઈને લાશો,

બરફ આંસુ બની ઓગળતું હશે,

એક-એક સૈનિક છે દસને ભારે,

લાલ ધરતીનું હૈયું કેવું વિહવળતું હશે,

આપણે ઉજવીશું દિવાળીને ઈદ,

કોઈ શહીદનું કુટુંબ ત્યાં ટળવળતું હશે,

શહાદત એળે ન જાય શહીદોની,

મારા દેશનું નામ દુનિયામાં ઝળહળતું હશે,

આઝાદ કરો આતંકવાદથી આ ચમનને,

કોઈ આઝાદ થવાં પણ ભલા કરગરતું હશે.