જીવન - વસંત
જીવન - વસંત
1 min
13.9K
આવી હતી વસંત વનઉપવનમાં,
ખીલી હતી કળી હર મધુવનમાં,
જીવન કાળે મનની કળી,
ખીલી શાને આ બહારમાં ?
આંબા ડાળે કોયલ ટહુકે,
લીલી છાયે મોરલો મલકે,
તન-વગડામાં મનનો મોરલો,
શાને એ આજ તરસે ?
ડાળે-ડાળે ફૂલ ખીલ્યાં,
શાખે શાખે પર્ણ ફૂટ્યાં,
અર્ધ બિડાયેલ અર્ધ ખૂલેલ
નયનો મારાં શાને ઢળ્યા ?
સાગર તીરે ટીટોડી બોલે,
જંગલ કેડીએ સરસી બોલે,
જાગતાં-શમણાંમાં દુર-સુદૂરથી
કોણ ઈશારે મને બોલાવે ?