ઝરમર વરસાદ

ભીની સુગંધ થઇ માટી તણી,

ને આ વરસે ઝરમર વરસાદ, 

વાસંતી વાયરોને કોયલનો ટહુકો, 

ને આ વરસે ઝરમર વરસાદ, 

ગહેંક્યો મારા મનડાંનો મોરલો,

ને આ વરસે ઝરમર વરસાદ,

પાંદડે પાંદડે ઝમઝમતાં બુંદ,

ને આ વરસે ઝરમર વરસાદ,

ડાળે ડાળે અહીં ફુટ્યાં છે ફૂલ,

ને આ વરસે ઝરમર વરસાદ, 

ભમ્મર સમ કાળાં આ વાદળો,

ને આ વરસે ઝરમર વરસાદ,

ઊગમણી હેલી ભીંજાય મારી ડેલી,

ને આ વરસે ઝરમર વરસાદ, 

ભોમકાં થઇ ગઈ છે આજ ભીની,

ને આ વરસે ઝરમર વરસાદ,

તમારા ઝાંઝરનો રુમઝુમ રણકાર,

ને આ વરસે ઝરમર વરસાદ,

દિલમાં ઉમંગ છે તમારી પ્રીતનો,

ને આ વરસે ઝરમર વરસાદ,

હૈયે ઝબુકી મારા ઝબુકી વિજળી,

ને આ વરસે ઝરમર વરસાદ,

 

મિલનનો આજ મારા નૈંનોમાં નેહ,

આ વરસે ઝરમર વરસાદ.