હાશ, પડ્યો વરસાદ

હાશ, પડ્યો વરસાદ

બહુ જોઈ રાહ,

આકાશમાં મીટ માંડતા,

કાળા વાદળોને જતા જોઈ,

લાગતું કે હવે તો પડશે વરસાદ !

પણ, બહુ રાહ જોવડાવી,

બફારો અને ગરમીથી અકળામણ,

વિચાર થતો કે, બધે પડે વરસાદ,

તો.. ગુજરાતમાં કેમ મોડો ?

વાદળો પણ જાણે કહેતા,

બસ બે મિનિટ !

બસ આ બે મિનિટની રાહમાં,

રથયાત્રાને ગયે તેર તેર દિવસ ગયા,

રોજ રોજની આગાહીઓ,

આજે પડશે... આજે પડશે...

પણ, બહુ રાહ જોયા પછી,

મહેરબાન થયો વરસાદ,

હાશ, પડ્યો વરસાદ

આનંદ આનંદ..

મંગલ મંગલ.