બીજું શું કરું

જાતને મેં જોતરી છે, બોલ બીજું શું કરું ?

બંધ આંખે, તને જ ભજું છું હાલ

બીજું શું કરું ?

મોરપીંછની સુંવાળપ, આજ મારે તો માણવી,

આપે એ પળ, તો ધરી દઉં ગાલ

બીજું શું કરું ?

વનરા તે વનમાં, ઉઘાડા પગ લઈ,

ફરશો ના કાન્હા,

મોજડીને કાજ હું તો આપી દઉં,

ખાલ બીજું શું કરું ?

મીરાં થઈને હું નામ માત્ર તારું જપું છું,

જો મારા હાથમાં છે, કરતાલ 

બીજું શું કરું ?

હોય ભલે તું રાધાનો કે પછી હોય તું મીરાંનો,

તું મારી ને હું તારી લઉં છું સંભાળ,

બીજું શું કરું ?