આનંદ કરવો સહેલો

ભાઈ ! આનંદ કરવો તો કેટલો સહેલો,

ભૂલી દુનિયાની જંજાળને થઈ જા ઘેલો.

લાજ, શરમ જો રોકતી હોય આનંદ કરતાં,

મૂકી દે થોડીવાર એને એકબાજુ એ પડતાં.

નહિ અપાવી શકે સ્વિમીંગ પુલ એ મજા,

કૂદી જા નદીમાં ને ભૂલ શું મળશે સજા.

બાળકને બનાવ ગુરુ તું થઈ જા ચેલો,

ભાઈ આનંદ કરવો તો કેટલો સહેલો!

 રૂઢિ રિવાજોને મૂકીને બહાર આવ,

આપે આનંદ એ બાબતને દિવસમાં સમાવ.

કરતો રહીશ વિચાર તો ચૂકી જઈશ ઘડી,

તોડી નાખ એવા વિચારોની હથકડી.

રમી લે ને ધૂળમાં ભલે હાથ થઈ જાય મેલો,

ભાઈ,આનંદ કરવો તો કેટલો સહેલો!