Milan

Kuch is tarah hum mil jaate,

Ajnabee na kehlate.

Tumhare saare dukhon se dosti karke,

Apni bachi hui khushiyan tumhe de jaate.

Kuch is tarah hum mil jaate,

Kal ko bhool, is pal mein jee jaate.

Duniya rangin lagti,

Aasmaan bhi roshan ho jaate.

Judai ka khauf hum bhool jaate,

Kuch is tarah hum mil jaate.

Mana hum saath nahi,

Iss saath ki koi wajah bhi nahi.

In chand lamhon ko apne rangon se seech ke,

Kash hum ek ho jaate.

Kuch is tarah hum mil jaate,

Nahi saath hai to kya,

Dooriyan zyada hain to kya,

Iss pal ki khushiyon mein apni duniya basa lete.

Gamo ki sachai ko ek pal ke liye bhool jaate,

Kuch is tarah hum mil jaate.

Iss janam ki tamanna hai,

Agle janam tumhara pyaar kehlate.