भोजपुरी फिंलमी होली – गाए सब

गाए सब होली ठीक दुपहरिया

होली खेले जाए फिलमवा मे बंबई शहरिया

भंगवा चढ़ाय गावे सब होली ठीक दुपहरिया

नाची नाची धर्मेंदर रंगवा हेमा जी के लगावे

कूदी कूदी अमीर गुलाल करिश्मा के लगावे

नाना पाटेकर लहरावे तिरंगा बीच बजरिया

गावे सब होली ठीक दुपहरिया

शाहरुख सलमान झूम झूम ठुमका लागवेले

अक्षय जितेंदर रणधीर रणबीर हुड़का बजावेले

रंगवा लगाय दत्त संजय खूब लचकाए कमरिया

गावे सब होली ठीक दुपहरिया

करीना माधुरी मीनाक्षी सबके भांग पुआ बनवली

महेश भट्ट पूजा आलिया भट्ट रंग कुंआ खोदवली

अमिताभ अभिषेक ऐश्वर्या गावे जोगिरा मारी पिचकरीया

गावे सब होली ठीक दुपहरिया

शुभाष घई करन जौहर रगड़े भंगिया भंसाली यस चोपड़ा

कपूर अनिल सुनल सन्नी बाबी पिये चाहे मन ओतना

रितिक जेकि अर्जुन मस्ती डगमगाये बीच डगरिया

गावे सब होली ठीक दुपहरिया

होलिया के रंगवा मे रंगाइल सब फिलिम अभिनेता

अबिरवा गुललवा सब लाल गुलाल अब होता

भिजेला धोती सारी भिंजे औरी कोरी चुनरिया

गावे सब होली ठीक दुपहरिया