Quotes New

Audio

Forum

Read

Contests


Write

Sign in
Wohoo!,
Dear user,
ପିଲା ଦିନ
ପିଲା ଦିନ
★★★★★

© Titi Sarangi

Others

1 Minutes   7.1K    13


Content Ranking

ଗାଁଠୁ ଗୋଟେ ନାଲି ସଡକ ଲମ୍ବି ଯାଇଛି ମୋ ସ୍କୁଲ୍ ଯାଏ  l ଦୂରତା କେତେ କେବେ ମାପିନି  l ଦିପଟେ ଧାନ ବିଲ ଲମ୍ବି ଯାଇଛି ଦିଗ୍ବଳୟ ଛୁଇଁ ଛୁଇଁ  l ଗାଁ ପୋଖରୀ ପାରି ହେଲେ ଆଗକୁ ଖାଲି ବାଟ ଦିଶେ  l ଗପ ମାରିମାରି ଯାଉଯାଉ କେତେବେଳେ ସ୍କୂଲ୍ ହତା ପହଞ୍ଚେ ଜାଣି ହୁଏନି  l ଚାରିପଟ ଯାକ କେତେ ଗଛ  l ବିରାଟ ହତାକୁ ଘେରେଇ ସବୁଜ ବାଡ  l କୋଉଟା ମୋ ଗଛ ଚିହ୍ନା ଚିହ୍ନି ହଉ ହଉ ଆମେ ହତା ଭିତରେ ପଶୁ  l ଏତେ ଗଛ ଯେ ସେମାନେ ଆମର ବନ୍ଧୁ ପାଲଟି ଯାଇଥିଲେ  l

କେତେ ହସହସ ଦିନ ସେଗୁଡାକ  l ଦୁନିଆରେ ଦୁଃଖ ବୋଲି କିଛି ଅଛି ଏଭଳି ଭାବନା ମନକୁ ଛୁଇଁ ପାରି ନଥିଲା ସେ ସମୟରେ  l ଏଇ ସରସ୍ବତୀ ପୂଜା ମନେ ପକେଇ ଦିଏ କେତେ କଥା ସେଇ ସବୁ ଦିନର  l ଫୁଲ ତୋଳି ମାଳ ଗୁନ୍ଥିବା ,ନୂଆ ପୋଷାକ ପିନ୍ଧିବା ଆଉ ସ୍କୁଲ୍ ଭିତରେ

ଘେରାଏ ବୂଲି ଆସି ପାଖ ଗାଁମାନଙ୍କୁ ଯାଇ ସାଙ୍ଗମାନଙ୍କୂ ଡାକି ଆଣିବା ସତେ କା ପରୀ ରାଇଜରେ ବୁଲି ଆସିଲା ଭଳି ଲାଗୁଥିଲା  l କୋଉ ଗାଁର ଛୋଟ ମୁଣ୍ଡିଆ ,କୋଉ ଗାଁର ବୁଦୁବୁଦିଆ ବଣ ,କୋଉ ଗାଁର ପଦ୍ମ ପୋଖରୀ ଆଡକୁ ମନ ଟାଣି ହେଇ ଯାଉଥିଲା  l ପାଠ ପଢା ଚିନ୍ତା ନାହିଁ  l ଯେତେ ବୁଲିଲେ ବି ବୁଲା ସରେନି  l ସ୍କୁଲ୍ ର କାନିକା ,ବନ୍ଧା କୋବି ଘାଣ୍ଟ ,ଟମାଟ ଖଟା ଆଉ କ୍ଷିରୀ l  ଭୋଗ ସବୁଠୁ ସୁଆଦିଆ ଲାଗୁଥିଲା  l ଦିନ ରହେନି  l ଗୋଟିଏ ପରେ ଗୋଟିଏ ପଡୁଛି ଯାଇ କାଳ ସ୍ରୋତର ଅଫେରା ସୁଅରେ  l ତଥାପି ବେଳ ଅବେଳରେ ସେଇ କଥା ସବୁ ମନେ ପଡେ ଆଉ ମନଟାକୁ ଅବୁଝା କରିଦିଏ  l ଆଲୋକ ଆଡକୁ ମୁହଁ କରି ଯାଉଥିଲା ବେଳେ ଏଇ ଦିନ ସବୁ ମନେ ପଡିବ ବୋଲି ସେତେବେଳେ ମନକୁ ଛୁଇଁ ବି ନଥିଲା  l

ନାଲି ସଡକ ଧାନ ବିଲ ପଦ୍ମ ପୋଖରୀ

Rate the content


Originality
Flow
Language
Cover design

Comments

Post

Some text some message..