ସମୟ କହୁଛି

ସମୟ କହୁଛି ମୋଠାରୁ କେ ଅଛି

ଦୁନିଆରେ ବଳବାନ

ମୋର ନିର୍ଦ୍ଦେଶରେ ସଂସାର ଚାଳିତ

ମୁଁ ଅଟେ ହିଁ ଭଗବାନ ॥

କାହାକୁ କେବେ ମୁଁ କରିନି ପ୍ରତୀକ୍ଷା

ଗତି ମୋର ଅବିରାମ

ପ୍ରତ୍ୟକ୍ଷଦର୍ଶୀ ମୁଁ ଯିଏ ଯାହା କରେ

ଧର୍ମ ଅବା ଅଧରମ ॥

ତ୍ରେତୟା ଯୁଗରେ ରାମ ରାବଣରେ

ଯୁଦ୍ଧ ମୁହିଁ କରିଥିଲି

ଭାରତଯୁଦ୍ଧରେ ମୂଖ୍ୟ ଭୂମିକାରେ

ଅଭିନୟ କରି ଗଲି ॥

ମୋର କରାମତି ସତୀ କି ଅସତୀ

ଅସତୀ କି କରେ ସତୀ

ଫକିର ହୁଅଇ ମହାରାଜ ପୁଣି

କରଇ ମୁଁ ଦିନରାତି ॥

ମତେ ଯେ କରଇ ନଷ୍ଟ ଜୀବନରେ

(ମୁଁ)ତାକୁ କରିଦିଏ ନଷ୍ଟ

ମୋ ଜ୍ଞାନ ଯାହାର ନାହିଁ ହୃଦୟରେ

ସବୁଠି ପାଏ ସେ କଷ୍ଟ ॥

ଜାତିର ଜନକ ଏଦେଶ ନାୟକ

ମତେ କରି ଗଳାହାର

ପ୍ରତିକ୍ଷଣ ମୂଲ୍ୟ ବୁଝିଥିଲେ ବୋଲି

ନମସ୍ୟ ହେଲେ ବିଶ୍ୱର ॥

ଧନ,ଜନ,ଗୋପ,ଲକ୍ଷ୍ମୀ ସବୁ ଆସେ

ମୋହର ଥିଲେ କରୁଣା

ମୋ କରୁଣା ବିନା ହରି,ହର,ବ୍ରହ୍ମା

ସଂସାରେ ହୁଅନ୍ତି ବଣା ॥

ସମୟ ଚରଣେ ଜନମେ ଜନମେ

ସର୍ବେ ହୋଇଛନ୍ତି ଦାସ

ସମୟ ମହାନ ଜୀବନ ମରଣ

ମୋଠାରୁ ହୁଏ ପ୍ରକାଶ ॥

ଶରତ ଚନ୍ଦ୍ର ଜାଲି

ତା:୨୦/୦୮/୦୧୮