ରାଈ ଦାମୋଦର

ପଦ୍ମ ପୁରାଣରେ ବର୍ଣ୍ଣିତ ତହିଁ ଯେ

    କାର୍ତ୍ତିକ ମାସର ମର୍ମ,

     ବାର ମାସେ ପୂଜା ବାରଟି ନାମରେ

        ଶୁଭ ଦାମୋଦର ନାମ ।

ଅଟେ ଶ୍ରେଷ୍ଠ ମାସ ପବିତ୍ର ଏ ମାସ

   ଧରମ ନାଆରେ ବାହି,

   ତୁଣ୍ଡେ ଆ କା ମା ବୈ, ସଦା ଥାଏ ରହି,

       ହବିଷ କରନ୍ତି କହି ।

ଧର୍ମମାସ ହେଲେ ବିଭୁ ବାସ ଜଳେ 

  ଭକ୍ତ କରେ ପ୍ରାତଃ ସ୍ନାନ,

Advertisement

>   ମୁରୁଜରେ ଥାନ୍ତି ରାଧାକୃଷ୍ଣ ଆଙ୍କି

     ସମର୍ପଣ କରେ ମନ ।

କଥା ଏ ମାସର ରାଇ-ଦାମୋଦର

   ରାଧାପାଦ ଦରଶନ

   ସଉଭାଗ୍ୟ ମିଳେ ସୁଖ ବୃଦ୍ଧିହୁଏ

     ଆନନ୍ଦେ କଟେ ଜୀବନ ।

ବୈଷ୍ଣବ ପଞ୍ଜିକା ଧର୍ମ କଥା ଏକା

   ଗାଏ ବିଧାନର ଗାଥା 

   ରାଇ ଦାମୋଦର ପୂଜନ୍ତି ପୟର

     ନୁଆଇଁ ସଭିଏ ମଥା ।