Library
Profile
ଜିପିଏସ୍ ଟ୍ରାକର୍
ଜିପିଏସ୍ ଟ୍ରାକର୍
କୋଟି ନିଧି ପାଇଗଲା ପରି ଶ୍ରୀ ସଦାନନ୍ଦ ବାବୁ ଚିତ୍କାର କଲେ -
- ବାଃ ବିଜ୍ଞାନ! ବାଃ ବିଜ୍ଞାନ !
- ହେଃ! ସକାଳୁ କଁ ଗୋଟେ ପାଗଳାମି ମଁ ?
- ଚୁପ୍ ଚୁପ୍ । ଆବଶ୍ୟକତା ଉଦ୍ଭାବନର ଜନନୀ ।
- ସିଧାସଳଖ ହୁଅ କଉଚି ।
- ଶୁଣ! ଆମର କେତେ ଭୟ
ସାନା ଟ୍ୟୁସନ୍ ରୁ ଠିକ୍ ରେ ଫେରିବ କି ନାହିଁ ?
ସୋମ୍ ଏବେ କେଉଠିଁ ଅଛି ?
ତୁମେ ଏକୁଟିଆ ବାଟ ବଣା ହେଇଗଲ କି ?
ମୁଁ ଆଜି ରହିଗଲି କି ?
ହା ହା ହା
- ଯେ? କଁ ହେଲା ସେଠୁ ?
- ବିଜ୍ଞାନ ଆଣିଚି ଏଇ " ଜିପିଏସ୍ ଫ୍ୟାମିଲି ଟ୍ରାକର୍"
ନିଜନିଜର ମୋବାଇଲରେ ଡାଉନଲୋଡ କର । ସମସ୍ତେ ପରସ୍ପରକୁ ଆଡ୍ କରିଦିଅ । ଏବେ ପ୍ରତ୍ୟେକ ପ୍ରତ୍ୟେକଙ୍କ ଅବସ୍ଥିତି ଜାଣିପାରିବ । ଅଡୁଆ ହେଲେ ତୁରନ୍ତ ସାହାଯ୍ୟ କରିନେବ । ବାଃ ବାଃ ! ଟେନସନ୍ ଖତମ୍ ।
- ଆଁଆଁ ଆଁଆଁ ଆଁଆଁ????
.........
ବେଶ୍ କିଛି ସମୟ ରୁଦ୍ଧ ଦ୍ୱାର ବୈଠକ ଚାଲିଲା ମା-ପୁଅ-ଝିଅଙ୍କ ଭିତରେ । ଏତବେଳକୁ ସଦାନନ୍ଦ ବାବୁ ତିନିଟା ଖବର
କାଗଜ ତନ୍ନତନ୍ନ ପଢି ନେଲେଣି।
ତିନି ହେଁ ଝାଳ ମାଳ ହୋଇ ସାମ୍ନାକୁ ଆସି କହିଲେ -
- ପାପା! ଏ ବକବାସ୍ ଆପ୍ ପାଇଁ ମୋ' ମୋବାଇଲରେ ସ୍ପେସ୍ ନାହିଁ । ସୋମ୍ ରୋକଠୋକ୍ କହିଦେଲା ।
- ପାପା! ଆଜିକାଲି ଝିଅ ପିଲାଙ୍କୁ ଏସବୁ ସୋସିଆଲ ଆପ୍ ରେ ବେଶି ଇନଭ୍ଲବ ହେବାକଥା ନୁହେଁ । ନିଜ ପର୍ସନାଲ୍ ରାଇଟ୍ସ୍ ସବୁ ଆଫେକ୍ଟେଡ୍ ହେଉଛି । ମୁଁ ତ ହ୍ୱଆର୍ଟସ୍ ଆପ୍ କୁ ବି ଯାଉନି । ମୋର ପରୀକ୍ଷା । ଏସବୁରେ ଟାଇମ୍ ଦେଇ ପାରିବିନି ।
- ଦେଖ ! ବୁଝିବାକୁ ଚେଷ୍ଟାକର । ଏସବୁ ନା ଗୋଟେ ଗୋଟେ ସଜ ମାଛରେ ପୋକ ପକାଇଲା ପରି ବ୍ୟବସ୍ଥା । ତୁମେ ଯେଉଁଠି ଯେମିତି ରହୁଛ ରୁହ ପଛେ , ମୁଁ ଏସବୁ ସାଇନ୍ସ କରି ପାରିବିନି । ମୋ' ବିପି ବଢିବ ଖାଲି ।
- ତୁମକୁ ବି ଅଡୁଆ ନା ???
ସଦାନନ୍ଦ ବିକଳରେ ପଚାରିଲେ , ସ୍ତ୍ରୀଙ୍କୁ ଚାହିଁ ।
- ଜାଇଁଲ! କିଛି ଜାଣିନେଲେବି କ'ଣ ଚୋପାଟେ ଛଡେଇ ଦେବ କଇଲ ????
ସବୁଥର ପରି ଏଥର ବି ଚୁପ୍ ରହିଗଲେ ଭଲ ଭାବିନେଲେ ସଦାନନ୍ଦ । ଛେଃ ! ଚୋପା ବିଜ୍ଞାନ !!!
ଅମୀୟ ବେଜ୍
