ବେଳ ଅବେଳ

 ସାଢେ ନ'ଟାରେ ଶ୍ରୀୟାକୁ କଥାଟିଏ ଜଣାଇବାକୁ ଇଛା କଲି । ସେ ଫୋନ୍ ଉଠାଇଲା ।

- କଅଣ ?

- ବ୍ୟସ୍ତ କି ?

- ହେବିନି ? ଠିକ୍ ସ୍କୁଲ ବେଳେ ଫୋନ୍ କରୁଚ ?

- ନାଇଁଯେ..

- ରୁହ ଏବେ । ମୁଁ ବସ୍ ରେ। ପାଖରେ ଆଉ ଦିଦି ମାନେ।

କାଟିଦେଲା ଶ୍ରୀୟା !!!!!

★★★

ମନମାରି ସ୍ୱାତୀକୁ କଲ୍ କଲାରୁ କାଟିଦେଇ , ମ୍ୟାସେଜ୍ କଲା

" ସାଢେ ନ'ଟାରେ ହଜବେଣ୍ଡ ଘରେଥିବେ , ଏଇ ସାଧାରଣଜ୍ଞାନଟା କ'ଣ ତୁମର ନାହିଁ ?? ଷ୍ଟୁପିଡ୍ ।"

★★★

ଠିକ୍ଅଛି ଭାବି ସ୍ତୁତି ଆଣ୍ଟିଙ୍କୁ କହିବି ଭାବିଲା ବେଳେ ତାଙ୍କ ମୋବାଇଲ ସୁଇଚ୍ ଅଫ୍ । ମନେପଡିଲା ସେ ଏବେ ଯୋଗ କରୁଥିବେ।

★★★

ଢେର୍ ସମୟପରେ ହୃଦବୋଧ ହେଲାଯେ ,

ଶଃ ! ମୋପାଇଁ ବେଳଟିଏ କା'ପାଖରେ ନାହିଁ ??? ଆଉ ମୁଁ ସେମାନଙ୍କ ବେଳର ବେଳିଆ ???

ଯାଃ! ଆଜିଠୁଁ ...

କଣ ଆଜିଠୁଁ??

ମାନେ ଆଜିଠୁଁ ...

ହଁ???

ଆଜିଠୁଁ ମୁଁ ଆଉ ..

ଠିକ୍ ଏତିକିବେଳେ ଶ୍ରୀୟାର କଲ୍ !

ହ୍ୟାଲୋ କହୁକହୁ , ୱେଟିଂରେ ସ୍ୱାତୀ !!

ପଛକୁ ପୁଣି ସ୍ତୁତି !!!

■ ଅମୀୟ ବେଜ୍ , ଘଟଗାଁ , କେନ୍ଦୁଝର ■