ତୁମେ ଗଲା ପରେ ପରେ

ତୁମେ ଗଲା ପରେ ପରେ

ଋତୁ ଆସୁନାହିଁ ଫୁଲ ଫୁଟୁନାହିଁ

ନଈ ଅଭିମାନ କରେ

ଜହ୍ନ ହସୁନାହିଁ ପକ୍ଷୀ ଗାଉନାହିଁ

ତୁମେ ଗଲା ପରେ ପରେ ।

ତୁମେ ଥିଲ ମୋର ପାହାନ୍ତି ସପନ

ପୂରୁବ ଆକାଶ ତାରା

ତୁମେ ଥିଲ ମୋର ସୁନେଲି ସୁନେଲି

ସକାଳ ସୂରୁଯ ଖରା

ଖରା ମାଡୁନାହିଁ ଛାଇ ପଡୁନାହିଁ

ଅଧାବାଟୁ ସଞ୍ଜ ଫେରେ

ଜହ୍ନ ହସୁନାହିଁ ...... ।।

ତୁମ ପାଇଁ ଲେଖେ ହଜାର କବିତା

ଲେଖେ ମୁଁ ହଜାରେ ଗପ

ତୁମ ପାଇଁ କରେ ଶହେ ମାନସିକ

ଦେଉଳେ ଜାଳି ମୁଁ ଦୀପ

ନିଆଁ ଧରୁନାହିଁ ଦୀପ ଜଳୁନାହିଁ

ଆଶାର ଆକାଶ ମରେ

ଜହ୍ନ ହସୁନାହିଁ.... ।।

ପ୍ରକାଶ କୁମାର ଚାନ୍ଦ

ଜୟପୁର ଶାସନ ପିପିଲି ପୁରୀ

୯୮୫୩୩୫୪୯୩୮