କଲମ
କଲମ
1 min
200
ନ୍ୟାୟଧୀଶ ହାତେ ଥିଲେ ମୁହିଁ ପରା
ଦୋଷୀ ହୁଏ ହରବର
ମହାଜନ ହାତେ ଥିଲେ ହୁଏ ଟଙ୍କା
ସୁଧ ମୂଳ କାରବାର। ।
ଯନ୍ତ୍ରୀଙ୍କ ହାତରେ ହୁଏ ଆକଳନ
ବଡ ବଡ଼ କୋଠା ମାନ
ମନ୍ତ୍ରୀଙ୍କ ହାତରେ ଥିଲେ କରନ୍ତି ସେ
କୋଟି କୋଟି ଅନୁଦାନ ।
ଶିକ୍ଷକଙ୍କ ହାତରେ ଥିଲେ ତ ପରା
ଭୂଲ୍ ଠିକ୍ ହୁଏ ବାଛି
ଶତ୍ରୁର ସନ୍ଧାନ କରନ୍ତି ସିପାହୀ
କାଗଜରେ ନକ୍ସା ଆଙ୍କି ।
ଡାକ୍ତରଙ୍କ ହାତେ ଥିଲେ ହୋଇଥାଏ
ରୋଗୀ ଭାଗ୍ୟ ନିର୍ଦ୍ଧାରଣ
ମୋହରି ମାଧ୍ୟମେ ପରୀକ୍ଷାର୍ଥୀ ଟିଏ
ହୁଏ ଆଗକୁ ଉତ୍ତୀର୍ଣ୍ଣ ।
କବି ହାତେ ଥିଲେ କବି ଗଢିଦିଏ
କବିତାର କୋଣାରକ
ସମସ୍ତଙ୍କ ପାଇଁ କରେ ଭିନ୍ନ କାମ
ନାଆଁ କିନ୍ତୁ ମୋର ଏକ। ।