ଟିକିଟିକି

ଟିକିଟିକି ଦେଖ ଧୂଳି କଣିକାରେ

କି ସୁନ୍ଦର ବସୁନ୍ଧରା

ସୁବିଶାଳ ହୋଇ ଜାବୁଡ଼ି ଧରିଛି

ପ୍ରାଣୀ ଉଦ୍ଭିଦକୁ ପରା।

ଟିକିଟିକି ଦେଖ ବିନ୍ଦୁବିନ୍ଦୁ ଜଳେ 

ମିଶିକି ସମୁଦ୍ର ହୋଇ

ସୁବିଶାଳ ଯା'ର ଗଭୀରତା ଆଜି 

କଳି କି ପାରିବ କେହି?

ଟିକିଟିକି ଆମେ ଏ ଧରା ବକ୍ଷରେ

ସୁକର୍ମ କରିବା ଯଦି

ସମୁଦ୍ର ଅଥବା ଧରଣୀ ସଦୃଶ

ଅମୂଲ୍ୟ ରଖିବା ଖୁନ୍ଦୀ।

ସମୁଦ୍ର ଅଥବା ଧରଣୀ ସଦୃଶ

ଯଦି ନ ହୋଇବା ଆମେ

ବାସ ଚହଟାଇ କୋଟି ଜନମନ

କିଣିବା ନିଶ୍ଚୟ ଧାମେ।

ଟିକିଟିକି ବୋଲି ହୃଦୟ କୋଣରୁ

ମନରୁ ଫିଙ୍ଗନି ଦୂର

ଟିକି ହୃଦୟରେ ବିରାଟ ସନ୍ଧାନ

ଲୁଚିଛି ଜାଗ୍ରତ କର।