ସତ କହିବାକୁ କିଆଁ ଡରିବି
ସତ କହିବାକୁ କିଆଁ ଡରିବି
1 min
626
କହିଲେ କହିବେ କହିଲା
ନ କହିଲେ କହିବେ ଓଲା।
କହିଲେ କହିବେ କଲା ପାଟି
ନ କହିଲେ ପତର ଯିବ କାଟି।
କହିଲେ କହିବେ ଟାଉଟର
ନ କହିଲେ କରୁଛି କଦର।
କହିଲେ କହିବେ ଛତରା,
ନ କହିଲେ କହିବେ ବାତରା।
କହିଲେ କହିବେ ବଦମାସ,
ନ କହିଲେ କରିବେ ଅବିଶ୍ବାସ।
କହିଲେ କହିବେ ଚଗଲା,
ନ କହିଲେ କହିବେ ପାଗେଲା।
କହିଲେ କହିବେ ଗଲା ବଢ଼ି,
ନ କହିଲେ ଉପରେ ଯିବେ ଚଢି।
କହିଲେ ପାଖକୁ ଆସିବେନି,
ନ କହିଲେ ହିସାବରେ ରଖିବେନି।
ବହୁତ କହିଲେ ଚାତୁରି
କମ୍ କହିଲେ ମଧୁରୀ।
କହିଲେ କୁହନ୍ତୁ ଯାହା ମୋତେ
ସତ କହିବାକୁ ଡର ନାହିଁ ମୋଟେ।