ଶ୍ରୀ ଗୁଣ୍ଡିଚା ରଥଯାତ୍ରା

ସେ ଜଗତରାଜା ହେଇ ସାଜସଜା

   ଆସିଛନ୍ତି ନୀଳାଚଳ ଧାମେ

ହିନ୍ଦୁ ସମାଜର ପରମ ଆରାଧ୍ୟ

  ନିଳାଦ୍ରିବିହାରୀ ପ୍ରଭୁ ତୁମେ ।

ଏୈତିହ ସଂସ୍କୃତି ପରମ୍ପରା ଏତ

   ରଥଯାତ୍ରା ପାଇଁ ଅକ୍ଷୂର୍ଣ୍ଣ ସତ

ବିଦିତ ସେ ପୌରାଣିକ କିମ୍ବଦନ୍ତୀ

   ଭକ୍ତ ପାଇଁ ତ ବିରାଟ ଯାତ ।

ନିଘଞ୍ଚ ଅରଣ୍ୟେ ବିନମ୍ର ନୟନେ

   ବିଶ୍ଵାବସୁ ଥିଲେ ଧ୍ୟାୟି

କିନ୍ତୁ ବିଦ୍ୟାପତି କୌଶଳରେ ଅତି

 ଇନ୍ଦ୍ରଦ୍ୟୁମ୍ନଙ୍କୁ ପ୍ରଭୁଦେଲେ ନେଇ ।

ନିଷାଦରାଜା ଅଳ୍ପେ ବୁଡ଼ିଲା ହେଜା

   ବିଷାଦେ ହେଲା ମ୍ରିୟମାଣ

ଗିରି କନ୍ଦର ସେ ଖୋଜେ ତରବର

  ଏଷଣୀୟ ପ୍ରଭୁ ଦିଅ ଦର୍ଶନ ।

ସାର୍ଥକ ନୁହଁ ତିଳେ ଅନ୍ତରେ ଅସୁ

   ସେ ରଙ୍କରତନ ଅନ୍ତରାଳେ

ଆତୁରେ ବିଶ୍ୱାବସୁ ଇନ୍ଦ୍ରଦ୍ୟୁମ୍ନଙ୍କ

 ସମ୍ମୁଖେ ସ୍ୱତଃ ଅଭିଳାଷ ଭାଳେ ।

ଅସ୍ପୃଶ୍ୟତା ସର୍ତେ ହେଲା ପଥରୋଧ

 କୁହେଳିକା ପ୍ରାୟ ଢାଙ୍କିଲା ଜାତିଧର୍ମ

ଭବାରାଧ୍ୟ ସେଇ ଭକ୍ତର ଭଗବାନ

   ଭକ୍ତିରେ ନୁହେ କିଛି ବିଷମ ।

ରାଣୀ ଗୁଣ୍ଡିଚାଙ୍କୁ ହେଲା ସ୍ଵପ୍ନାଦେଶ

  ବଡଦାଣ୍ଡେ ହେବ ଏ ବିରାଟ ଯାତ

ଜାତି ଧର୍ମ ବର୍ଣ୍ଣର ଜହିଁ ନଥିବ ସ୍ଥାନ

  ଐଶ୍ୱୁର୍ଯ୍ୟେ ମିଳିବ ଜଗା ଦର୍ଶନ ।

ଭାଇ ଭଉଣୀଙ୍କୁ ସଙ୍ଗରେ ଘେନି

  ବଡ଼ଦାଣ୍ଡେ ବିଜେ କଳାସାଆନ୍ତ

ଅଧା ଗଢାଦିଅଁ ଚକା ଦାରୁବ୍ରହ୍ମ

 ବିଶ୍ଵନିୟନ୍ତା ପ୍ରଭୁ ଯଶୋବନ୍ତ ।