ଶ୍ରଦ୍ଧାଂଜଳି
ଶ୍ରଦ୍ଧାଂଜଳି
ପ୍ରିୟା ମୋର ସମାଧିରେ ଦିଏ ଶ୍ରଦ୍ଧାଂଜଳି
ଅତୀତର ସ୍ମୃତି ଆଉ ଲୁହଲହୁ ଢାଳି ॥
ଅମର ଆତ୍ମାଟା ମୋର ହୁଏ ଛଟପଟ
ପାଇବାକୁ ପ୍ରିୟାସାଥେ ମିଳନର ଭେଟ ॥
ପ୍ରିୟାବିନା ଅତୃପ୍ତ ମୋ ଆତ୍ମାଟା ଜଳୁଛି
ରାତିଦିନ ସମାଧିରେ ଗୁମୁରି କାନ୍ଦୁଛି ॥
ବିରହର ଜ୍ୱାଳା ମତେ କରିଅଛି କାବୁ
ବର୍ଷବର୍ଷ ବିତୁ ତୋର କଥା ଭାବୁଭାବୁ ॥
ଭାବିବିନି ପର ତତେ କରିଛି ଅପେକ୍ଷା
ମରିବି ଝୁରୁଛି ମନେବହି ପ୍ରେମଦୀକ୍ଷା ॥
କୁଆଡେ ଯାଇନି ତତେ ଛାଡି ଏକାଏକା
ଏଇଠେ ମୁଁ ଅଛି ଖୋଲି ହୃଦୟ ଝରକା ॥
ଛାଇପରି ତୋର ପାଶେ ଅଦୃଶ୍ୟେ ରହିଛି
ଅନୁଭବେ ହୃଦୟରେ ଜାଣୁଥିବୁ କିଛି ॥
ମଶାଣିର ପାଉଁଶରେ ପାଇବାକୁ ସ୍ପର୍ଶ
ଆସିବୁକି ପ୍ରିୟା ଜୁଇ ହେଇ ଏଇବର୍ଷ ॥
ତେବେ ମୁଁ ଲଭିବି ଶାନ୍ତି ପୁରିବ କାମନା
ତୋ ଚିତାନିଆଁରେ ଜଳିଯିବ ମୋ ବାସନା ॥
ତେବେ ସଦ୍ଗତି ପାଇବ ଆମ ଦୁଇ ଆତ୍ମାପକ୍ଷୀ
ଏପ୍ରେମ କାହାଣୀ ଯିବା ପାଉଁଶରେ ଲେଖି ॥
ଶରତ ଚନ୍ଦ୍ର ଜାଲି
ତା:୧୨/୦୮/୦୧୮