ଶ୍ରାବଣୀ ବ୍ରତକୁ ମନା

ପୁଣି ଏସନ ଶ୍ରାବଣୀ ବ୍ରତରେ

ଜାରିହେଲା କଟକଣା

କରୋନା କୋପରେ କାଉଡ଼ିଆଙ୍କୁ ତ

 ପାଣି ଉଠାଇବା ମନା। 

ଶ୍ରାବଣରେ ଜଳଲାଗି ହେବନାହିଁ

ପାର୍ବଣେ ଦେଉଳ ଖାଲି

କାଳର ଭୟରେ ମହାକାଳ ସତେ

ଭକ୍ତଙ୍କୁ ଗଲେଣି ଭୁଲି ।

ଏ ସନ କେଉଁଠି ଶୁଭିବନି ଆଉ

ବୋଲ୍ ବମ୍ ବୋଲ୍ ବମ୍

ଦିନକୁ ଦିନ ତ ଭୟ ବଢାଉଛି

କରୋନା ରାକ୍ଷସ ଦମ୍ ।

ପ୍ରଥମ ଦ୍ୱିତୀୟ ଲହରୀ ପଛକୁ

ତୃତୀୟ ତରାଟେ ଆଖି

ପୂଜା ପାର୍ବଣରେ ଗହଳ ଚହଳ

ରୋଗ ଆଣିପାରେ ଡାକି।

ଏବେଠୁ ନହେଲେ ସାବଧାନ ଆମେ

ପାଇବାନି ଥଳକୂଳ

ବାଳ ବୃଦ୍ଧଙ୍କୁ ଏ ତୃତୀୟ ଲହରୀ

ଅକାଳେ ହୋଇବ କାଳ ।

ବାଘ କାମୁଡାଠୁ ବାଘ ଘୋଷଡାର

ଯାତନା ବଳାଇଯାଏ

କରୋନା ଆକ୍ରାନ୍ତ ବଳିଯାଏ କଷ୍ଟ

ଅସହ୍ୟ ଯନ୍ତ୍ରଣା ଦିଏ ।

ହେଳା କରେ ଯିଏ ଭେଳା ବୁଡେ ତାର

ଅକାଳରେ ଯାଏ ପ୍ରାଣ

କଟକଣାକୁ ତ ମାନି ନ ଚଳିଲେ

ନାହିଁ ଆମ ପରିତ୍ରାଣ ।

ଆହେ ସଦାଶିବ କେବେ ଦୟା ହେବ

କରୋନାର ହେବ ଅନ୍ତ

ନିର୍ଭୟରେ ଆମେ ପାଳନ କରିବୁ

ପୂଜା ପର୍ବ ଓଷା ବ୍ରତ !