ସେଇ ଝରଣା ରକୂଳେ

 ସେଇ ଝରଣାର କୂଳେ

ଫେରିବାକୁ ଚାହେଁ ମୋ ଗାଁ ମାଟିରେ 

 ସେଇ ଝରଣାର କୂଳେ

ସେଇ ନାଇଁ ପଠl ଧlନ ବିଲ ଘେରା 

  ପିୟା ସେଇ ତୋଟା ମlଳେ (୧)

କେତେ ବସନ୍ତର ସୁନ୍ଦର ସ୍ମୃତିର

   ଅଭୁଲା କାହାଣୀ ସବୁ 

ଶୋଇଛନ୍ତି ସେଠି  ସିନ୍ଦୁକ ଭିତରେ 

   ମତେ ଠାରେ ଦେଖିବାକୁ (୨)

ବରଗଛ ମୂଳ    ଗାଆଁ ଠାକୁରାଣୀ 

   ଦଣ୍ଡ ନାଚ ଝାମୁଚଲା

କୁଆଁର ପୂନେଇଁ  ପାଳ ଭୁତ ନାଚ 

  ରଜଦୋଳି ବଦୀପାଲା (୩)

ଗାଆଁ ତୋଟା ମlଳେ  ହଳଦୀବସନ୍ତ 

   କୋଇଲିର କୁହୁ ତାନ 

କେତେ ଭୋଜି ଭାତ  ସାଙ୍ଗ ସାଥି ମେଳେ

   ପୋଡ଼ପିଠା ରଜ ପାନ (୪)

ଦୂର ପ୍ରବାସରେ    ଗାଆଁ ଛବି ମୋର

   ବେଶୀ ଥର ମନେ ପଡେ  

ଭାବିଲେ ସେକଥା   କାହିଁକି କେଜାଣି 

  ନୟନୁ ଲୋତକ ଗଡେ (୫)