ସାହା ଆମ୍ଭଙ୍କୁ ମୃତ୍ୟୁଞ୍ଜୟ
ସାହା ଆମ୍ଭଙ୍କୁ ମୃତ୍ୟୁଞ୍ଜୟ
ଜଗତ କାନ୍ଦୁଛି ଈଶ୍ୱର ।
ରକ୍ଷାକର ହେ ମହେଶ୍ୱର ।।
ସହସ୍ର ଜନତା ମରଣ ।
ବସି ଦେଖୁଛ ତ୍ରିଲୋଚନ ।।
କେଉଁଠୁ ଆସିଲା ଏ ବ୍ୟାଧି
ନାହିଁ ଯାହାର ମହୌଷଧି ।।
ଚାଇନା ଜନ ହୋଇ ଅନ୍ଧ ।
ଖାଇଗଲେ ଖାଦ୍ୟ ଅଶୁଦ୍ଧ ।।
ଜାତ କଲା ରୋଗ ଅଜଣା ।
ତାହାର ନାମଟି କରୋନା ।।
ବିଶ୍ଵ ବାସୀ ହୋଇ ଆକ୍ରାନ୍ତ ।
ନିତି ହୁଅନ୍ତି ହନ୍ତସନ୍ତ ।।
ବିଶ୍ଵ ସ୍ଵାସ୍ଥ୍ୟ ସଂସ୍ଥା ସୁପାରି
ବୋଲିଲା ଅଟେ ମହାମାରୀ ।।
ବିଶ୍ୱକୁ କରିଲା ସତର୍କ ।
ବେଳନ୍ତୁ ହୁଅ ସର୍ବେ ଏକ ।।
ସଭିଏଁ ହୁଅ ସାବଧାନ ।
ଏ ରୋଗ ମହାମାରୀ ଜାଣ ।।
କାୟା ତା କରିଛି ବିସ୍ତାର ।
ମାନୁନାହିଁ କାହା ଶରୀର ।।
ମୃତ୍ୟୁ ଶର୍ଯ୍ୟାରେ ପ୍ରତିଦିନ ।
ସହସ୍ର ଯାଉଛି ଜୀବନ ।।
ଦେଖି ଏହାକୁ ସରକାର ।
କରିଛନ୍ତି ସେ ଉପଚାର ।।
ଗ୍ରାମଠୁ ସହର ବଜାର ।
ବନ୍ଦ ରହିବ ନିରନ୍ତର ।।
କେଉଁଠି ହେବନି ଗହଳି ।
ରହିବଟି ଦରଜା କିଳି ।।
ଲକ୍ ଡାଉନକୁ ପାଳନ ।
ମାନି ଚଳିବ ସର୍ବ ଜନ ।।
ହାତକୁ ସଫାଟି କରିବ ।
କରୋନା ତେବେ ନ ହୋଇବ ।।
ଶୁଣହେ ମୋ ପାର୍ବତୀ ପତୀ ।
ଦୂରେଇ ଦିଅ ଏ ବିପତ୍ତି ।।
ଜାଣିଛି ଏ ସାରା ଜଗତ ।
ଆୟୁର୍ବେଦ ତୁମଠୁ ଜାତ ।।
ଖଞ୍ଜିଦିଅ ପ୍ରଭୁ ଔଷଧ ।
କରୋନା ହୋଇବ ଯେ ବଦ୍ଧ ।।
ବିଳମ୍ବ ନକରି ମହେଶ ।
ମହାମାରୀ କୁ କର ନାଶ ।।
କରୋନା କୁ କରନି ଭୟ ।
ସାହା ଆମ୍ଭଙ୍କୁ ମୃତ୍ୟୁଞ୍ଜୟ ।।