ରହସ୍ୟକୁ ତୋର ପାରୁନି ବୁଝି

   ରହସ୍ୟମୟରେ ରହସ୍ୟକୁ ତୋର

      ସହଜେ ପାରୁନି ବୁଝି

      ତୋର ମାୟାରେ ଯାଉଛି ହଜି

  ଗୀତା ଭାଗବତେ ଖୋଜୁ ଖୋଜୁ ତୋତେ

      ତୋର ଭାବରେ ଯାଉଛି ଭିଜି...

      ସମୟ ଚାଲେ ତୋ ଈଶାରାରେ

      କାଳ ତୋ କଳାର ପସରାରେ

       ଆଶା ଭରସାର ବିଶ୍ୱାସରେ

        ରହିଛୁ ସବୁରି ନିଃଶ୍ୱାସରେ

      ଭଜନ ଗୀତକୁ ଫୁଲ ଚନ୍ଦନକୁ

        ତୋ ପାଇଁ କରିଛି ପୁଞ୍ଜିରେ

     ତୋର ରହସ୍ୟ ପାରୁନି ବୁଝିରେ .....

        ଅନୁଭବିର ତୁ ଅନୁଭବ

      ଭାବ ଭକତିରେ ତୋର ଭାବ

       ମହିମା ଭୂମିରୁ ଭୂମା ଯାଏ

       ଶରଧା ଦୟାରୁ କ୍ଷମା ଯାଏ

    ଆଲୁଅରେ ତୋତେ ଦେଖି ହୁଏ ନାହିଁ

       ଉଭା ହେଉ ଦେଲେ ଆଖି ବୁଜି

       ତୋର ରହସ୍ୟ ପାଉନି ଖୋଜି ...