ପ୍ରତିକ୍ଷିତଙ୍କ ସ୍ବପ୍ନ
ପ୍ରତିକ୍ଷିତଙ୍କ ସ୍ବପ୍ନ
1 min
7
ଅନେକ ପ୍ରତୀକ୍ଷାର ପରେ
ଆଗମନ କଲ
ପାଦ ଚିହ୍ନ ସବୁ ଦେଉଛନ୍ତି ସାକ୍ଷୀ
ତୁମେ ଓହ୍ଲାଇ ଆସିଛ
ସେହି ପାରିଜାତ ଭରା
ଉଦ୍ୟାନ ଭିତରୁ
ଐରାବତ ହୋଇଅଛି ଠିଆ
ଗଳାଇବ ଫୁଲମାଳ
କରିବ ସ୍ବାଗତ ।
ହିମାଳୟ ଉହାଡରୁ
ଉଠିଆସୁଥିବା ବାଳ ସୂରୁଜ
ବିଞ୍ଚି ଦେଉଛି ମୁରୁଜ
ହସି ଉଠିବ ତୁମ ଚଲାପଥ
ତୁମକୁ ନେଇ ଦେଖିଥିବା ସ୍ବପ୍ନ
କେବେ ପାଲଟି ନଯାଉ
କାହାପାଇଁ ଦିବା ସ୍ବପ୍ନ
ତୁମେ ଯେ ଆଗତ ଆଶାର
ଜଉମୁଦ ସିନ୍ଧୁକ ।
ଶାମୁକା ଗର୍ଭରେ ଲୁଚିଥିବା
ମୋତି ପରି ତୁମେ
ଚମକି ଉଠ ସଭିଙ୍କ ପାଇଁ
ଏଇତ ଆଗମନ ଅତିଥିଙ୍କ ପାଇଁ
ପ୍ରତିକ୍ଷିତଙ୍କ ସ୍ବପ୍ନ ।