ପ୍ରଶ୍ନ

ଜାଣିନଥିଲେ ପ୍ରଶ୍ନ

କାହୁଁ ପାଇଵ ଉତ୍ତର ?

ପ୍ରଶ୍ନ ହିଁ ତ ଜନକ

ଯେ ଜନ୍ମ ଦିଏ ଉତ୍ତର !

ପ୍ରଶ୍ନ ସତ୍ଯ ଆଦି ଅନନ୍ତ

ଉତ୍ତର ତା ବହୁତ

ପ୍ରଶ୍ନ ସଦା ଗୋଟିଏ ହିଁ

ଉତ୍ତର ତ ବହୁତ ।।

ପ୍ରଶ୍ନ ଯଦି ବୃକ୍ଷ ମୂଳ

ଉତ୍ତର ଶାଖାପ୍ରଶାଖା

ପ୍ରଶ୍ନ ବିନା ଉତ୍ତରର

ଆଉ କେ ଵା ପୁରୁଖା ।

ପ୍ରଶ୍ନ ହିଁ ତ ଵିକାଶର

ମୂଳମନ୍ତ୍ର ଅଟଇ

ପ୍ରଶ୍ନ ଯୋଗୁଁ ଜଗତରେ

ଉଦ୍ଭାବନ ହୁଅଇ ।।

ପ୍ରଶ୍ନ ଯଦି ନ ଆସନ୍ତା

ଵୈଜ୍ଞାନିକ ମନକୁ

ଉତ୍ତର କି ଉଣ୍ଡିଥାନ୍ତା

ସେ ତା'ର ମନକୁ ?

ପ୍ରଶ୍ନ ଵିନା ଆଵିଷ୍କାର

ନହୁଅଇ ସମ୍ଭଵ

ପ୍ରଶ୍ନ ହିଁ ତ ପୁଚ୍ଛା କରି

ଶ୍ରେଷ୍ଠ ହେଲା ମାନଵ ।।

ପ୍ରଶ୍ନ ହେଉ ଭଗଵାନ

ପ୍ରତି ଵିଜ୍ଞ ଜନର

ପ୍ରଶ୍ନ ଵିନା ଗତି କାହିଁ

ସେହି ଏକା ଈଶ୍ଵର ।।