ପ୍ରଦୂଷଣ ଯୋଗୁ ଋତୁ ବାଟବଣା
ପ୍ରଦୂଷଣ ଯୋଗୁ ଋତୁ ବାଟବଣା
ବରଷା କେଉଁଠି ପ୍ରବଳ ହେଉଛି
କଲବଲ କରେ 'ବଢି'
କେଉଁଠାରେ ପୁଣି ବରଷା ବିହୁନେ
'ମରୁଡି' କଲାଣି ରଡି ।
ଅବେଳରେ ଏବେ ବରଷା ବତାସ
ଲୁଟି ନିଏ ହସ ଖୁସି
ବେଉଷଣବେଳେ ପାଣି ମିଳୁନାହିଁ
ହତାସ ହୁଅନ୍ତି ଚାଷୀ ।
କାହିଁକି ବରଷା ଲୁଚକାଳି ଖେଳେ
କାରଣ ହେଉଛୁ ଖୋଜି
ପ୍ରଦୁଷଣ ଯୋଗୁ ବେସୁରା ରାଗଣୀ
ବୁଝିବି ପାରୁନୁ ବୁଝି ।
ତେଲ ଦର ଏଣେ ଯେତିକି ବଢୁଛି
ସେତିକି ବଢୁଛି ଗାଡି
ପବନରେ ମିଶେ ବିଷ ଧୂଆଁ ଧୂଳି
ଗାଡି ସବୁ ଗଲେ ଗଡି ।
ଗଲାସନ ଯେବେ ତାଲାବନ୍ଦ ଯୋଗୁ
ଗାଡିଘୋଡା ଚାଲିଲାନି
ନିର୍ମଳ ଆକାଶ ଶୀତଳ ପବନ
ମନ ନେଲା ଆମ କିଣି ।
ତାଲାବନ୍ଦ ଆମ କାନରେ କହିଲା
କଥାଟିଏ ସବୁ ଜାଣ
ପ୍ରଦୂଷଣେ ଋତୁ ହୁଏ ବାଟବଣା
କର ତାର ନିୟନ୍ତ୍ରଣ।
ପ୍ରଦୂଷଣ ମୁକ୍ତ ନହେଲ ଜଗତ
ମେଘ ମାନିବନି ବୋଲ
କେତେବେଳେ ବଢି କେବେତ ମରୁଡି
ହେଉଥିବା କଲବଲ ।