ପବନ ସହିତ ଜୀବନ ସମ୍ପର୍କ
ପବନ ସହିତ ଜୀବନ ସମ୍ପର୍କ
1 min
259
ନିଃଶ୍ୱାସ ପ୍ରଶ୍ବାସ ଜୀବନ ଉଚ୍ଛ୍ୱାସ
ନିଃଶ୍ୱାସେ ବିଶ୍ୱାସ ନାହିଁ
ଅଟକି ଗଲେ ସେ ସରିଯାଏ ନାଟ
ମରଣ ଗୀତିକା ଗାଇ ।
ମାତା ଜଠରରେ ନିଃଶ୍ୱାସ ପ୍ରଶ୍ୱାସ
ପ୍ରାଣକୁ ପ୍ରତିଷ୍ଠା କରେ
ଦଣ୍ଡେ ନ ଅଟକି ବାଟ ଚାଲୁଥାଏ
ଅଟକିଲେ ବାଟ ସରେ ।
ଜନମ ମରଣ ମଝିରେ ଜୀବନ
ପବନର ସବୁ ଖେଳ
ସମୟ ସୁଅରେ ପାଣିଫୋଟକା ସେ
ନାହିଁ ତାର ଥଳକୂଳ ।
ଜୀବନ ଜଞ୍ଜାଳ ଜଟିଳ ଗଣିତ
ମନକି ସହଜେ ବୁଝେ !
ଝଡ ଝଞ୍ଜାକୁ ସେ ସହିପାରେ ହେଲେ
ଚଇତାଳି କାଳ ସାଜେ ।
ପବନ ସହିତ ଜୀବନ ସମ୍ପର୍କ
କଥାଟିଏ ଯାଏ କହି
ପ୍ରତିଟି ମୁହୂର୍ତ୍ତ ମୂଲ୍ୟବାନ ଏଠି
ଖର୍ଚ୍ଚ କର ଦେଖି ଚାହିଁ ।