ପାଞ୍ଚଟି କବିତା
ପାଞ୍ଚଟି କବିତା
-ଭକ୍ତିର ଚିହ୍ନ-
ଭକ୍ତିର ସହିତ ଭଲ ପାଉଥିଲି
ଈଶ୍ବରଙ୍କୁ ଯେବେ ମୁହିଁ
ଲୋକଙ୍କ ହୃଦୟ ମନ ମୋହିନେଲି
ଦେଖୁଥିଲେ ଲୋକେ ଚାହିଁ
ଯେମିତି ସଚ୍ଚାଟେ ମୁହିଁ
ଲୋକ ଦେଖାଣିଆ ଚୁର ମାଉଁସିଆ
ଅର୍ଥ ହାତେଇବା ଏଇ।
-ଦୁର୍ଗା-
ବାଣ୍ଟିବାକୁ ତୁମେ ଆଶିଷ ମରତେ
ଓହ୍ଲାଇ ଆସୁଛ ଯେବେ
ଦେଖିନିଅ ମାଆ ମାନବ କରମ
ଯାହା କରୁଛନ୍ତି ଭବେ
ଶରତ ଆକାଶ ଏବେ
ଶୃଙ୍ଖଳିତ ପରି ସ୍ବଚ୍ଛ ଓ ପବିତ୍ର
କରି ଦିଅନ୍ତନି ତେବେ?
-ନବରାତ୍ର-
ନବରାତ୍ର ଆଜି ଉପବାସ ରହି
ପୂର୍ଣ୍ଣାହୂତି ଦେବା ଭାଇ
ସକଳ ଆଶାୟୀ ଅପେକ୍ଷାର ଅନ୍ତ
ଅଳ୍ପକ୍ଷଣେ ସାରିଦେଇ
ବିଜୟା ଦଶମୀ ପାଇଁ
ମାଆ ଦୁର୍ଗାଙ୍କର ଦଶଭୁଜା ରୂପ
ଦର୍ଶନ କରିବା ଯାଇ।
-ରାବଣ ପୋଡ଼ି-
ସଭିଏଁ ଆନନ୍ଦ ପୋଡି଼ଦେଲୁ ବୋଲି
ତୁଚ୍ଛଟାରେ ପାଳଭୁତ
ଅସଲ ରାବଣ ମନ ଗହନରେ
ଲୁଚିଛି ନୁହେଁ କି ସତ
ସୁଯୋଗେ ମାରିବ ନାତ
ସୀତାକୁ ଦେଖିଲେ କାମନା ବଢେ଼ଇ
କରିବ ଯେମିତି ମିତ।
-ଆରାଧନା-
ଗଣେଶଙ୍କ ପରେ ବିଶ୍ବକର୍ମାଙ୍କର
ଆରାଧନା ହୋଇଗଲା
ଦୁର୍ଗାପୂଜା ପରେ ଲକ୍ଷ୍ମୀ ଆବାହନ
ତା'ପରେ କାଳୀଙ୍କୁ ଖୋଲା
ଭକତି ସେନେହୀ ବାଲା
ଦେହ ଓ ମନକୁ ସନ୍ତୋଷ ସକାଶେ
ସମୟ କରେ କି ଢିଲା?