ଓଷଦ ଡାଲା

ଷାଠିଏ ପୂରିଲା ସରାଗ ସରିଲା

ଅମାନିଆ ପାଣିପାଗ

ତାଳୁରୁ ତଳିପା ଦଦରା ଖୋଳପା

ଦେହ ସାରା ଭରା ରୋଗ ।

ଉଚ୍ଚ ରକ୍ତ ଚାପ ମଧୁମେହ କୋପ

ଗ୍ୟାସ ସାଧୁଅଛି ଦାଉ

ଅଣ୍ଟା ଦରଜକୁ ଆଣ୍ଠୁ ର ଦରଜ

ସହି ହେଉନାହିଁ ଆଉ ।

ଆଜିକାଲି ତେଣୁ ବିନା ଓଷଦରେ

ଚଳୁନାହିଁ ହାତ ପାଦ

ଓଷଦ ନହେଲେ ରାତି ପାହିଯାଏ

ଆଖିରେ ଆସେନି ନିଦ ।

ବଞ୍ଚି ରହିବାକୁ ମେଞ୍ଚାଏ ଓଷଦ 

ଲୋଡା ହେଉଅଛି ନିତି

ଭାତ ରୁଟି ଠାରୁ ବେଶି ତ ବଟିକା         

 ଖାଉଅଛି ଦିନରାତି ।

ବେଳେବେଳେ ଦେଖି ଓଷଦ ଡାଲାକୁ

ଚିଡିଯାଉଅଛି ମନ

ଉବୁଟୁବୁ ଭେଳା ଓଷଦ ସହିତ

ସମ୍ପର୍କ କରିଲେ ଛିନ୍ନ ।