କେତେ ଦିନ ଆଉ ଦେବ ନାହିଁ ଦେଖା

 ଭାବ ବିନୋଦିଆ ଭାବର ଠାକୁର

 ଭକତଙ୍କୁ ଗଲ ଭୁଲି

 ଭଲା ହେଲା କାଳ ଭୟରେ ଆକୁଳ

 ଭିଜୁଛୁ ଲୁହରେ ଖାଲି ।

 ଚାପ ଦେଖିଲୁନି ରଥ ଟାଣିଲୁନି

 ଦେଖିବୁନି ସୁନା ବେଶ

 ଅଧରପଣାକୁ ନୀଳାଦ୍ରି ବିଜୟ

 ବିନା ଭକ୍ତେ ହେବ ଶେଷ

 ବିନା ଭକତରେ ତୁମ ନୀତିକାନ୍ତି

 ବାଇଶି ପାହାଚ ଖାଲି

 ଭକତଙ୍କୁ ଗଲ ଭୁଲି...

 ବଡବଡୁଆଙ୍କୁ ବାଇଶି ପାହାଚେ

 ପିଣ୍ଡ ଦେଇ ହେଉନାହିଁ

 ଆଡପ ଦର୍ଶନ ଭକତଙ୍କୁ ମନା

 ଆସନ୍ତିନି ପୁରୀ କେହି

 ଦୂରରୁ ଦର୍ଶନ ପତିତପାବନ

 ଝୁରୁଛି ଶରଧାବାଲି

 ଭକତଙ୍କୁ ଗଲ ଭୁଲି....  

 କେତେ ଦିନ ଆଉ ଦେବ ନାହିଁ ଦେଖା

 ଏମିତି ପ୍ରଭୁହେ ଲୁଚି

 ପାହିଯିବ କେବେ ଏଇ ଅମାରାତି

 ଅବସାଦ ଯିବ ଘୁଞ୍ଚି

 କେବେ ମହାପ୍ରଭୁ ଦେଉଳ ଦୁଆର

 ଆମ ପାଇଁ ଦେବ ଖୋଲି 

 ଭକତଙ୍କୁ ଗଲ ଭୁଲି....