କବିତା ଝରେନି

 

କବିତା ଝରେନି ଟେବୁଲ ଉପରେ

ଅବା ପ୍ରିୟାର ହସରେ

କବିତା ଝରେନି ନଦୀ ର କୂଳରେ

ଅବା ଝରଣା ର ଧାରେ--୧

କବିତା କବିର ମନ ଗହନର

ସପନ ନଦୀ ର ସୂଅ

କବିତା କବିର ଅନ୍ତର ତଳର

ହସର କାନ୍ଦର ଖିଅ--୨

କବିତା କବିର ଫୁଲେଇ ପ୍ରେମିକା

ଅଳସି ସୁନ୍ଦରୀ ପ୍ରିୟା

ସପନ ନଈ ର ଆରପାରି ଘର

ପାହାଡ ତଳେତା ଗାଆଁ--୩

କବିତା କବିର ଭାବପ୍ରବଣତା

ପ୍ରେମ ପ୍ରଣୟ ର ଗୀତ

ତା ର ହଦୟ ର ଦରଦି ମନର

କରୁଣ ଭରା ସଂଗୀତ--୪

କବିତା କବିର କଳ୍ପନା ପ୍ରବାହ

ଅନୁଭବ ଜୀବନର

କିଛି ସ୍ମୃତି ଆଉ କିଛି ଅନୁଭୁତି

କାହାଣୀ ଗଲା ଦିନର--୫