କଅଁଳ କଳି

        କଅଁଳ କଳି

      ମୁଁ କଅଁଳ କଳି

     ସପନକୁ ମୋର ଦିଅନି ଦଳି

    ଉଡିବାକୁ ଦିଅ ମୁକୁଳା ଆକାଶେ

    ସଜାଇ ମୋ ପାଇଁ ଫୁଲର ଦୋଳି

        କଅଁଳ କଳି .....।

    ଧୂଳିଖେଳ ମୋର ସରିନି ଏଯାଏ

       ବାଲିଘର ମୋର ସରିନି ତୋଳା

    ଚୁଲି ଚାଉଳର କଥା ଭାବୁ ଭାବୁ

      ମନ ରାଇଜମୋ ଦିଶଇ କଳା

    ହସ ଲୁଚିଯାଏ ବଉଦ ଉହାଡେ

    ଆଶା ଉଆଶରେ ଜହର ଢାଳି

       କଅଁଳ କଳି ..।

   ବଢ଼ିବା ବୟସ ଗଢିବା ବୟସ

     କଅଁଳ ଡେଣାକୁ ଦିଅନି କାଟି

   ଆଜିତ ମୋ ପାଇଁ ଭରସା ହୋଇଲେ

     ଫୁଲ ହୋଇ କାଲି ପାରିବି ଫୁଟି

    ମହକରେ ମୋର ମହକି ଉଠିବ

    ଦିଗ ଚଉଦିଗ ପୁଲକ ଢାଳି

       କଅଁଳ କଳି ....।